ခက်ခက်ခဲခဲသဘောမှန်ကိုရှာ၍ကြည့်

၁။သူတော်ကောင်းစကားကို ပြောတတ်သော်လည်း သူတော်ကောင်းအကျင့်ကို မကျင့်တတ်။ ၂။စာကို ဖတ်တတ်သော်လည်း စာသဘောကို သိအောင်မကြိုးစား။ ၃။သူတစ်ပါးက လိမ်ညာမှာကို ကြောက်သော်လည်း မိမိကိုယ်မိမိ လိမ်ညာနေတာမကြောက်။ ၄။သူတစ်ပါးကို သနားဖို့တတ်သော်လည်း မိမိကိုယ်ကိုယ် သနားဖို့မတတ်။ ၅။ မိမိကိုယ်ကိုယ် အကျဉ်းထောင်ကျမှာကို ကြောက်၏၊ စိတ်အကျဉ်းထောင်ကျနေသည်ကို မသိ။ ၆။လွတ်လပ်မှုကို လူတိုင်းလိုလား၏၊ မိမိစိတ်မှာ လွတ်လပ်သူဖြစ်အောင် မကြိုးစား။

၇။သူများအထင်ကြီးဖို့ကို လိုလား၏၊ မိမိကိုယ်ကိုယ် လေးစားရမှန်းမသိ။

၈။သူတစ်ပါးမှားသည်ကို မြင်၏၊ မိမိမှားသည်ကို မမြင်။

၉။သူတစ်ပါးကို ဆုံးမဖို့တတ်၏၊ မိမိကိုယ်မိမိ ဆုံးမဖို့မတတ်။

၁၀။ သူများမကောင်းပြောမှာကို မကြောက်နှင့်၊ မိမိစိတ်မှာ မကောင်းဖြစ်မှာကိုသာကြောက်။

၁၁။ ငွေကြေး ဆင်းရဲမှာကို မကြောက်နဲ့၊ အသိဉာဏ်ဆင်းရဲမှာကိုကြောက်။

၁၂။ ဥစ္စာပစ္စည်း ဆင်းရဲလို့ သူတော်ကောင်း အပြစ်မမြင်၊ အသိဉာဏ်ဆင်းရဲမှ သူတော်ကောင်း အပြစ်မြင်သည်။

၁၃။။ကုသိုလ်လိုချင်၍ အလှူလုပ်၏၊ အကုသိုလ်ကို မရှောင်ကြဉ်၍ အလှူမဖြစ်။

၁၄။။နတ်ပြည်ကို ရောက်ချင်၍ ကောင်းမှုကိုပြု၏၊ အကုသိုလ်ဖြစ်သည်ကို နားမလည်၍ အပါယ်ကိုလား၏။

၁၅။ဘုရားကို ရိုသေလေးစား၏၊ ဘုရားစကားကို နားထောင်ရမှန်းမသိ။

၁၆။နိဗ္ဗာန်ကို လိုချင်၏၊ ဘုရားသွားရာလမ်းသို့ လိုက်ရမှာကြောက်၏။

၁၇။သူတော်ကောင်းတရားကို သိချင်၍ တရားနာ၏၊ လူမိုက်တို့၏ အကျင့်ကို မရှောင်၍ တရားနှင့်ဝေး၏။

၁၈။ဗုဒ္ဓဘာသာကို မကောင်းပြောလျှင် မုန်း၏၊ ဗုဒ္ဓတားမြစ်ထားသောတရားကို နေ့စဉ်ပြုလုပ်၏။

၁၉။တိုင်းပြည်ကို ကောင်းစေချင်၏၊ မိမိအိမ်မှာမိမိ ကောင်းအောင်နေဖို့ထိုင်ဖို့ မတတ်။

၂၀။ရပ်ရွာများ အေးချမ်းသာယာစေချင်၏၊ ရပ်ရွာအကျိုးကို ဆောင်ရွက်လိုစိတ် လုံးဝမရှိ။

၂၁။ကျန်းမာရေးကောင်းစေချင်၏၊ ကျန်းမာအောင် နေထိုင်စားသောက်ဖို့ မတတ်၊။

၂၂။အသက်အရွယ်က တဖြည်းဖြည်း ကြီးလာ၏၊ အသိဉာဏ်က တဖြည်းဖြည်း ကြီးမလာ၊ လောဘ၊ ဒေါသသာ တဖြည်းဖြည်း ကြီးထွားလာသည်။

၂၃။ကိုယ့်အမှားကို မမြင်ဘဲ သူတစ်ပါးအမှားကိုကြည့်ပြီး အပြစ်တင်နေတာ အကျိုးမရှိ၊ မကောင်းမှုကို မိမိမှစ၍ သိလျှင်သိချင်း ရပ်ပါ၊ မှန်ကန်သော အသိဉာဏ်သည် တန်ဖိုးမဖြတ်နိုင်၊ အမြင်မှန်၊ အတွေးမှန်၊ အလုပ်မှန်မှသာ လူ့ဘ၀၌ အဆင်ပြေနိုင်သည်၊ သိပြီးတော့ မလုပ်ရင် မသိသေးလို့ပါ၊ နည်းနည်းသိ နည်းနညည်းလုပ်၊ များများသိ များများလုပ်ပါ။

၂၄။လူတွေ ဒုက္ခများနေတဲ့အချိန်မှာ ငြိမ်းချမ်းရေးနှင့် သင့်မြတ်ရေးဟာ မရှိမဖြစ် လိုအပ်တယ်၊ ကမ္ဘာကြီး ငြိမ်းချမ်းဖို့အတွက် ကိုယ်တိုင် ငြိမ်းချမ်းရမယ်၊ တစ်ဦးချင်း တာဝန်ယူရမယ်၊ တစ်ဦးချင်း တာဝန်ယူမှုမရှိဘဲ ကမ္ဘာကြီး ငြိမ်းချမ်းမှု မရနိုင်။

၂၅။တန်ဖိုးရှိသော အလုပ်ကို ပြုလုပ်ရခြင်းသည် ကောင်း၏၊ တန်ဖိုးမရှိသော အလုပ်ကို ရှောင်ကြဉ်ခြင်းက ပို၍ ကောင်း၏။

၂၆။သူတော်ကောင်းနှင့် ပေါင်းရတာ ကောင်း၏၊ သူယုတ်မာနှင့် မပေါင်းရတာက ပို၍ ကောင်း၏။

၂၇။ဤလောကကြီးထဲမှာ လူကောင်းများ ဆရာဖြစ်သလို လူမိုက်လည်း ဆရာဖြစ်နိုင်သည်။

၂၈။လူကောင်းသည် ကောင်းတာကို သင်၏၊ လူမိုက်သည် မကောင်းတာကို သင်၏၊ သင်သည် ကြိုက်တာကို သင်နိုင်သည်။

၂၉။အမှောင်ထု ဖုံးလွှမ်းနေတဲ့အချိန်မှာ အလင်းရောင်လိုအပ်တယ်၊ အမှားများနေတဲ့အချိန်မှာ အမှန်ဆိုတာ လိုအပ်တယ်၊ အစဉ်အလာက အရေးမကြီး၊ အမှန်တရားက အရေးကြီးပါတယ်။

၃၀။တရားကို ဟောသူလည်း များ၏၊ နာသူလည်း များ၏၊ မတရားကို ဟောသူလည်း မရှိ၊ နာသူလည်း မရှိ၊ ထို့ကြောင့် မတရားကိုသိသူ အလွန်နည်းပါး၏။ တရားကိုသိလျှင် အေးချမ်း၏၊ မတရားကို မသိလျှင် မအေးချမ်းနိုင်၊ လောကကြီး ပျက်စီးမှာကို ကြောက်၏၊ လောကကြီးကို ၀ိုင်းပြီး လူတိုင်းလိုလို ဖျက်နေကြ၏၊ လောကကို မိမိအတွက် အသုံးချ၏၊ မိမိကို လောကအတွက် အသုံးချဖို့ ၀န်လေး၏၊ လောကကြီးကို မိမိက မစောင့်ထိန်းလျှင် လောကကြီးကလည်း မိမိကို စောင့်ထိန်းလိမ့်မည်မဟုတ်။

၃၁။မကြားဟန်ဆောင်နေသူလောက် နားပင်းသူ မရှိ။

၃၂။မမြင်ဟန်ဆောင်နေသူလောက် မျက်စိကန်းသူ မရှိ။

၃၃။ သိဟန်ဆောင်နေသူလောက် မသိသူ မရှိ။ အို ရခိုင်သူ ရခိုင်သားအပေါင်းရို့ မကြာခင် လောကကြီး ပျက်စီးလိမ့်မည်၊ အချိန်မီ ၀ိုင်းဝန်းထိန်းသိမ်းကတ်ပါ၊ ဤလောကကြီးအတွင်းမှာ မှီတင်းနေထိုင်ကြသော လူတိုင်းမှာ တာဝန်ရှိပါသည်။

၃၄။တရားစခန်းကိုဝင်၍ တရားရှာကြ၏၊ ခန္ဓာထဲကိုဝင်၍ တရားမရှာကြ၊ တရားစခန်းက သင်ပြသော စကားကို နားလည်နိုင်၏၊ ခန္ဓာကသင်ပြသော စကားကို နားမလည်နိုင်။

၃၅။မိမိကိုယ်မိမိ သိပြီးဟုထင်၍ တပည့်များကိုရှာကြီး တရားဟော၏၊ တပည့်များသောဆရာ ဖြစ်နိုင်၏၊ ဆရာများများရှာ၍ တရားမနာသဖြင့် ဆရာများသောတပည့် မဖြစ်နိုင်၊ ဆရာများ၍ အပြစ်မရှိ တပည့်များက အပြစ်ရှိသည်၊ ဆရာများ၍ သားမသေ၊ ဆရာမှားမှ သားသေမည်၊ တပည့်များမှာထက် တပည့်မှားမှာကို ကြောက်ပါ။

၃၆။တရားသည် စာအုပ်ထဲမှာ မရှိ ဉာဏ်ထဲမှာရှိ၏၊ စာကိုသင်၍ ရ၏၊ တရားကို သင်၍ မရ၊ ဉာဏ်နှင့်ကျင့်မှ ရမည်၊ စာသည် တရားမဟုတ်၊ တရားသည် စာမဟုတ် စာကပညတ်၊ တရားက ပရမတ်၊ ပရမတ်ကို မသိလျှင် ပညတ်က ဖိထားမည်၊ ပညတ်ကို မြင်နိုင်၏၊ ပရမတ်ကို မမြင်နိုင်၊ မြင်နိုင်တာက မရှိ၊ မမြင်နိုင်တာက ရှိ၏၊ ရှိတာကိုမမြင်၊ မရှိတာကို မြင်၏၊ လူတိုင်း လူတိုင်း မရှိသော ပညတ်နှင့် အချိန်ကုန် ခံနေကြ၏။ အမှန်ရှိသော ပရမတ်ကို ထုတ်ဖော်၍ ပြောသူမရှိ၊ ထို့ကြောင့် ပရမတ်ကို ထုတ်ဖော်၍ ပြခဲ့သော ဗုဒ္ဓ၏ တရားနှင့် တဖြည်းဖြည်း ဝေးလေ၏။

ဤအဆင့်ကို နားမလည်လျှင်၊ သဘောမပေါက်လျှင် အပင်ပန်းမခံနှင့်၊ သဘောပေါက်အောင် ဆရာကောင်းကို ချဉ်းကပ်၍ ဉာဏ်နား ဉာဏ်မျက်စိကို ဖွင့်၍ကြည့်မှ အမှားအမှန်ကို မြင်နိုင်သည်။

ပါးစပ်နံသော ပြသာနာကို ဘယ်လိုဖြေရှင်းမလဲ

အလုပ်မှာကျောင်းမှာ နေ့စဉ်တွေ့နေရသောသူတွေထဲမှာအပြင်ပိုင်းလှသလောက် စကားပြောကြည့်ရင် ပါးစပ်ကနံတာကို သတိမထားမိကြသောသူက တော်တော်များပါတယ်။ ပါးစပ်နံလိုက်တာလို့ပြောပြန်ရင်လည်း ရိုင်းရာကျမှာပါ။ သူများကို မပြောခင် ကိုယ်ကမနံအောင် ဘယ်လိုလုပ်သင့်သလဲ။

၀၁. သေသေချာချာ ဝါးစားပါ အစားကို စားသောအခါ သေသေချာချာ ဝါးစားခြင်းဖြင့် ပါးစပ်အတွင်းမှာ လိုအပ်သောဓါတ်(သို့)တံထွေးကိုထွက်စေပါတယ်။ ခံတွင်းတံထွေးများများထွက်စေခြင်းဟာ ခံတွင်း၏ခြောက်သွေ့မူကို ကာကွယ်နိုင်ပြီး ပါးစပ်နံတာကိုလည်း ကာကွယ်နိုင်ပါသည်။ ပီကေစားရင်လည်း အဆင်ပြေမှာပါ။

၀၂. ထမင်းကို တော်ရုံသာစားပါ ထမင်းကို ဗိုက်အပြည့်စားသောအခါ ကိုယ်ခန္ဓာအတွင်းမှာ ရှိသောအစာအိမ် တခုတည်းမဟုတ် အခြားသော ကလီဇာ တွေကိုအလုပ်ပိုလုပ်စေသောကြောင့် ပါးစပ်နံရခြင်းဖြစ်ပါတယ်။ ထို့ကြောင့် အစားကို ဗိုက်တင်းအောင်မစားပဲ အသင့်အတင့်သာ စားသင့်တယ်လို့ အကြံပေးပါရစေ။

၀၃. ပဲ၊ နွားနို့၊ဟင်းသီးဟင်းရွက်၊ အသီးအနှံ ကိုများများစားပါ ပဲ၊ နွားနို့၊ဟင်းသီးဟင်းရွက်၊ အသီးအနှံကိုများများစားခြင်း ကိုယ်ခန္ဓာအတွင်း အက်စစ်ထွက်ခြင်းကို လျှော့နည်းစေပါတယ်။ အက်စစ်ထွက်ခြင်းက လျှော့စေသောအတွက် ပါးစပ်နံခြင်းလည်း အလိုအလျှောက် လျှော့နည်းလာမှာပါ။


၀၄.ပါးလုပ်ကျင်းပါ အစားကိုစားပြီးသောအခါ ပါးစပ်အတွင်းမှာ အစားအကြွင်းအကျန်တွေရှိတတ်ပါတယ်။ဒီအကြွင်းအကျန်တွေကနေ အချဉ်ပေါက်ပြီး ပါးစပ်နံတတ်ပါတယ်။ တတ်နိုင်ရင် ထမင်းစားပြီးတာနဲ့ သွားတိုက်နိုင်ရင် အကောင်းဆုံးပါ။ အချိန်မပေးနိုင်ရင်တော့ ပါးလုပ်ကျင်းဖို့မမေ့ပါနဲ့။

၀၅. ရေနွေးကြမ်းသောက်ပါ လက်ဖက်ခြောက်မှာ ပါးစပ်အတွင်းမှ အနံ့ကိုထိန်းသိမ်းထားနိုင်တဲ့အတွက် ထမင်းစားပြီး ကော်ဖီ၊ အချိုရည်ထက်စာရင် ရေနွေးကြမ်းကို သောက်သုံးသင့်ပါတယ်။ ×××××××××××××××××××××××××××××××××××××××× Happiness Is To You

လောကရဲ့ သဘာဝတရား (၂)

လောကရဲ့ သဘာဝတရား (၂)
---------------------------------

(၁) ရယ်ရယ်မောမော ပြုံးပြုံးရွှင်ရွှင်နေပါ။ ရယ်မောခြင်းဖြင့် သင့်ဘဝသက်တမ်းကို နှစ်တွေပိုရှည်လာအောင် ဆွဲဆန့်ပေးနိုင်မယ်လို့ အာမ မခံနိုင်ပေမဲ့၊ သင်အသက်ရှင်နေသမျှ ကာလပတ်လုံး အဓိပ္ပာယ်ရှိရှိ သက်ဝင်လှုပ်ရှားနေတဲ့ဘဝကိုတော့ ပိုင်ဆိုင်နိုင်မှာ အသေအချာပါပဲ။

(၂) လူသားတွေရဲ့ နေ့စဉ်ဖြတ်သန်းမှုတွေထဲမှာ ဘဝအမောတွေ၊ တက်သုတ်ရိုက်မှုတွေ အများကြီးပျော်ဝင်စီးဆင်းနေတယ်။ တခါတလေမှာတော့ အလျင်မလိုဘဲ သင့်ပတ်ဝန်းကျင်က သဘာဝအလှအပတရားတွေကို စိတ်နစ်ပြီးခံစားကြည့်လိုက်ပါ။ အသက်ကိုခပ်ပြင်းပြင်းလေး ရှူသွင်းရှူထုတ်လုပ်ပြီး စိတ်ကိုဖြေလျှော့ပေးလိုက်ပါ။

(၃) သင်ဟာ အိပ်မက်တွေ၊ မျှော်လင့်ချက်တွေ ကြီးကြီးထားမယ်။ အိပ်မက်တွေ လက်တွေ့ဖြစ်လာဖို့ အားတက်သရော ကြိုးစားမယ်။ ပိုင်ဆိုင်လာတာတွေကို တန်ဖိုးထားမယ်။ ဒီလိုပိုင်ဆိုင်လာတဲ့အတွက်လည်း ကျေနပ်စွာနဲ့ ပြုံးတတ်မယ်ဆိုရင် သင်ဟာနေပျော်တဲ့ဘဝတစ်ခုကို ရရှိထားတာပါ။

(၄) သင့်မှာ ရန်သူမျိုး (၅) ပါး မဖျက်ဆီးနိုင်တဲ့ ပညာဆိုတဲ့ အဖိုးထိုက်ရတနာကို ပိုင်ဆိုင်ထားပြီဆိုရင် ဂုဏ်ယူပါ။ ဒီထက်ကျေနပ်ဂုဏ်ယူချင်ရင် သင့်မှာရှိတဲ့ အဖိုးထိုက်ပညာရတနာတွေကို နီးစပ်ရာ၊ လက်လှမ်းမီရာ ပတ်ဝန်းကျင်ကို ဖြန့်ကျက်မျှဝေလိုက်ပါ။

(၅) ကိုယ်ချင်းစာတတ်တာဟာ အတွင်းစိတ်ဖူးပွင့်လှပခြင်းပါ။ ကိုယ်ချင်းစာစိတ် အရင်းခံလို့ ကြင်နာတတ်ခြင်းဆိုတဲ့ ဘာသာစကားကို လူမဆိုထားနဲ့၊ အဟိတ်တိရစ္ဆာန်တွေတောင်မှ နားလည်နိုင်ပါတယ်။

(၆) ဘဝတစ်လျှောက်မှာ ရွေးချယ်စရာတွေ အများကြီးတွေ့ရမယ်။ သင့်အနေနဲ့ သင်နှစ်သက်ရာ၊ အလိုရှိရာကို ရွေးချယ်နိုင်တယ်။ ရွေးချယ်စရာတိုင်းဟာ သူ့ကိုယ်ပိုင်တန်ဖိုးနဲ့သူ ရှိတယ်ဆိုတာကိုတော့ သတိရပါ။

(၇) အချိန်ဆိုတာ မြစ်တစ်စင်းလိုပါပဲ။ စီးဆင်းနေတဲ့ ရေအလျဉ်ထဲမှာ သင့်လက်ကိုနစ်ပြီး ထိတွေ့လိုက်မယ်ဆိုပါစို့။ သင်ထိတွေ့မိတဲ့ရေကို နောက်တစ်ကြိမ်ဒီနေရာမှာ ပြန်ထိတွေ့ချင်လို့ မရတော့ပါဘူး။ တသွင်သွင်စီးဆင်းနေတဲ့ ရေစီးအလျဉ်နဲ့အတူ လိုက်ပါသွားပါပြီ။ ဒါကြောင့်လက်ရှိ အခိုက်အတန့်တိုင်းကို တန်ဖိုးထားပါ။

(၈) သင်ဟာဘယ်လိုလူစားမျိုးဆိုတာ အချက်နှစ်ချက်နဲ့ တိုင်းတာဖွင့်ဆိုနိုင်တယ်။ သင့်မှာဘာမှမရှိတော့တဲ့အခါ သင့်ရဲ့ခံနိုင်ရည်စွမ်းအား ဘယ်လောက်ရှိသလဲ ဆိုတာရယ်၊ သင့်မှာအရာအားလုံး ပြည့်စုံလာတဲ့အခါ သင့်ရဲ့စိတ်နေသဘောထား၊ ခံယူချက်ဘယ်လိုထားနိုင်သလဲ ဆိုတာရယ်နဲ့ပေါ့။

နှိုင်းရင့်နွေ

လူတွေကို ပြုံးရယ်စေခဲ့တဲ့ ရော်ဘင်ဝီလျံ ဘာကြောင့် စိတ်ကျဝေဒနာနဲ့ နိဂုံးချုပ်ခဲ့တာလဲ

သြဂုတ် ၁၁ ရက် မွန်းမတည့်ခင် အချိန်ပိုင်းလေးဟာ အမေရိကန်ပြည်ထောင်စု ကယ်လီဖိုးနီးယားပြည်နယ် အတွက် တော့ ပုံမှန်ရာသီဥတုနဲ့ သာမန်နေ့ခင်း တခုသာ ဖြစ်ပါလိမ့်မယ်။ ပုံမှန်ပတ်ဝန်းကျင်၊ ပုံမှန်ကျင်လည် နေကျ လောက ကမ္ဘာ။ သိပ်မကြာခင် အချိန်အတွင်းမှာ ဝမ်းနည်း ကြေကွဲဖွယ် သတင်းတရပ် ထွက်ပေါ်လာတော့မယ် လို့လည်း ဘယ်သူမှ တွေးမိခဲ့ကြမှာ မဟုတ်ပါဘူး။ အဲဒီလို ဘယ်သူမှထင်မှတ်မထားခဲ့တဲ့ သတင်း၊ အနုပညာ ငွေကြယ် တစ်ပွင့် မထင်မှတ်ဘဲ ကြွေကျခဲ့ပြီ ဆိုတဲ့ သတင်းတရပ်ဟာ မွန်းလွဲပြီးစ ၁၂ နာရီ ၂ မိနစ်မှာ အတည်ပြု ထုတ်ပြန် ပေါ်ထွက် လာခဲ့ပါတော့တယ်။ ကယ်လီဖိုးနီးယား ဝန်းကျင်သာမက အမေရိကန် ပြည်ထောင်စုတခုလုံး၊ ဒါ့အပြင် တကမ္ဘာလုံးက အားပေး ချစ်ခင်ကြသူတွေကို ထိတ်လန့် တုန်လှုပ်သွားစေတဲ့ သတင်းပါ။ လူတွေကို ပြုံးစေ၊ ရယ်စေခဲ့သူ အနုပညာရှင် ရော်ဘင်ဝီလျံ ကွယ်လွန်ခဲ့ပါပြီ။ လူရယ်လို့ မွေးဖွားလာရင် အဆုံးသတ်က သေခြင်းသာ ဖြစ်တာမို့ မဆန်းပါဘူး လို့တော့ ဆိုကောင်း ဆိုနိုင်ပါတယ်။ ဒါပေမယ့် ရော်ဘင်ဝီလျံရဲ့ သေဆုံးခြင်းကတော့ သေခြင်းတရားဆီကို ကိုယ်တိုင် အရောက်လှမ်းခဲ့ တာမျိုးပါ။ သူ့ကိုယ်သူ ကြိုးဆွဲချ သေဆုံးခဲ့တာလို့ နောက်ဆုံး သတင်းတွေအရ သိရပါတယ်။ ကွယ်လွန်ချိန်မှာ အသက် ၆၃ နှစ် ရှိပြီ ဖြစ်တဲ့ ရော်ဘင်ဝီလျံဟာ မသေဆုံးခင်အချိန်အထိ စိတ်ကျ ရောဂါကို ခံစားနေရတယ်လို့ သူရဲ့ ပြောရေးဆိုခွင့် ရှိသူက ဆိုပါတယ်။ သူ့ရဲ့ သရုပ်ဆောင်မှုတွေကို နှစ်သက်ကြတဲ့ သူတွေကတော့ လူတွေကို ပျော်ရွှင်အောင် လုပ်နိုင်တဲ့သူ တယောက်ရဲ့ စိတ်ကျ ဝေဒနာကို နားမလည်နိုင်ကြသလို နှမြောတသ ဝမ်းနည်း မဆုံးလည်း ဖြစ်နေကြပါတယ်။

ကယ်လီဖိုးနီးယား ပြည်နယ်က နေအိမ်မှာ ရော်ဘင်ဝီလျံ တယောက် သေဆုံးပြီ ဆိုတဲ့ သတင်း ထွက်ပေါ် လာတာနဲ့ တပြိုင်နက်၊ သတင်း စာမျက်နှာတွေ ထက် သူ့သတင်းတွေက နေရာယူခဲ့သလိုTwitter ၊ Facebook အစရှိတဲ့ ဆိုရှယ် မီဒီယာတွေ မှာလည်း ပရိသတ်တွေက ဝမ်းနည်းကြောင်း စာသားတွေ ရေးသားခဲ့ကြပါတယ်။ သူ ပါဝင် သရုပ်ဆောင်ခဲ့တဲ့ ဇာတ်ကားတွေထဲက ဇာတ်ဝင်ခန်းတချို့ကို Youtube မှာ တင်တာ၊ မိမိစာမျက်နှာမှာ ဝေမျှတာမျိုး တွေကိုလည်း လုပ်ခဲ့ကြပါတယ်။ ဝမ်းနည်းခြင်း ကွန်ရက်ဟာ ကမ္ဘာတလွှား ကျယ်ပြန့်ခဲ့ပြီ။ တကြိမ်တခါမှ ပြင်ပမှာ မတွေ့မဆုံဖူး သူတွေကိုပါ မျက်ရည်ရစ်ဝဲ ဝမ်းနည်းစေတဲ့ ရော်ဘင်ဝီလျံဟာ ဘယ်လိုလူမျိုးပါလဲ။ သူ့မျိုးဆက်မှာတော့ ထူးကဲတဲ့ ပါရမီရှင် အနုပညာရှင်ရယ်လို့ ပြောစမှတ် ပြုကြရတဲ့ ရော်ဘင်ဝီလျံကို ၁၉၅၁ ခုနှစ်၊ ဇူလိုင် ၂၁ ရက်မှာ အီလီနွိုက် ပြည်နယ် ချီကာဂိုမှာ ဖွားမြင်ခဲ့ပါတယ်။ ငယ်ရွယ်စဉ်က တိတ်တိတ်ဆိတ်ဆိတ် ရှိတတ်တဲ့ ကလေးတယောက်ပါ လို့ သူ့ကိုယ်သူ ညွှန်းဆိုခဲ့တဲ့ ရော်ဘင်ဝီလျံက အထက်တန်းကျောင်း အနုပညာ အသင်းမှာ မပါဝင်ခင် အထိ ရှက်တတ် ကြောက်တတ်သူလည်း ဖြစ်ပါတယ်။ ၁၉၇၃ ခုနှစ်မှာတော့ အောင်မြင်တဲ့ အနုပညာရှင်ဖြစ်လာဖို့ရာ လမ်းစလို့ ဆိုနိုင်တဲ့ နယူးယောက်မြို့က အနုပညာ သင်တန်းကျောင်း Julliard School မှာ တက်ရောက်ခွင့် ရပါတယ်။ တကယ်တော့ Julliard School ကကျောင်းသား သစ် ၂၀ ပဲ လက်ခံတာပါ။ အဲဒီလို ကျောင်းသားသစ် ၂၀ ထဲ ပါခဲ့ရုံမကဘဲ ကျောင်းသား နှစ်ဦးကိုသာ ရွေးချယ်တဲ့ အဆင့်မြင့် အနုပညာ အစီအစဉ်မှာ ပါဝင်တက်ရောက်ခွင့် ရပြန်ပါတယ်။ ၁၉၇၀ နဲ့ ၁၉၈၀ ပြည့်နှစ်များကတော့ ရော်ဘင်ဝီလျံအတွက် ရွှေရောင်ခေတ် အစပြုတဲ့ အချိန်ပါ။ ပရိသတ် ရှေ့မှောက် တိုက်ရိုက် တင်ဆက်ရတဲ့ Stand-up Comedian အဖြစ် အားပေး နှစ်သက်သူ တိုးလာခဲ့ ပါတယ်။ သူ့ကို အောင်မြင် ထင်ရှားသူ တယောက်အဖြစ် တွန်းပို့ခဲ့တာကတော့ Happy Days ရုပ်သံ ဇာတ်လမ်းတွဲပါ။ အူကြောင်ကြောင်နိုင်တဲ့ ဂြိုဟ်သား Mork ဇာတ်ရုပ် ဘယ်လောက်များ အောင်မြင်လိုက်သလဲ ဆိုရင် ပိုစတာတွေ၊ စာအုပ်တွေ၊ ထမင်းဘူးတွေ မှာပါ နေရာယူသွားတဲ့ အထိပါပဲ။ သရုပ်ဆောင်၊ Stand up-Comedian၊ အသံ သရုပ်ဆောင်၊ ရုပ်ရှင်ထုတ်လုပ်သူ၊ ဇာတ်ညွှန်ရေးသူ စတဲ့ အညွှန်း နာမတွေစုံလှတဲ့ ရော်ဘင်ဝီလျံအတွက် ပထမဆုံး ရုပ်ရှင်ဇာတ်ကားတော့ Can I Do It –“Till I Need Glasses ဖြစ်ပါတယ်။ သူရဲ့ အောင်မြင်ထင်ရှားခဲ့တဲ့ ရုပ်ရှင်တွေကတော့ The World According to Grap (၁၉၈၂)၊ Good Morning, Vietnam (၁၉၈၇)၊ Dead Poets Society (၁၉၈၉)၊ Awakenings (၁၉၉၀)၊ The Fisher King (၁၉၉၁)၊ Good Will Hunting (၁၉၉၇) စတဲ့ ရုပ်ရှင်တွေ ဖြစ်ပါတယ်။ ရော်ဘင်ဝီလျံရဲ့ ဇာတ်ရုပ်တွေဟာ ဟာသဇာတ်ရုပ်တွေ များပေမယ့် ကရုဏာရသကိုလည်း ပေးစွမ်းတဲ့ ဇာတ်ရုပ်တွေ ပါ။ သက်ဝင်ပီပြင်လှတဲ့ အသံနဲ့ သရုပ်ဆောင်ရာ မှာလည်း ပရိသတ်အကြား ရေပန်းစားခဲ့တဲ့ Aladdin (၁၉၉၂)၊ Happy Feet (၂၀ဝ၆) စတဲ့ ဇာတ်ကားတွေ ပါဝင်ပါတယ်။ ပြတိုက်ထဲ ပြသထားတဲ့ ရုပ်တုတွေ၊ ပြကွက်တွေက အသက် ဝင်လာတာကို စိတ်ဝင်စား ဖွယ် တင်ဆက်ခဲ့တဲ့ Night at the Museum (၂၀ဝ၆) မှာ အမေရိကန်ရဲ့ ၂၆ ဦးမြောက် သမ္မတ ရုစဗဲ့အဖြစ် သရုပ်ဆောင်ခဲ့တာကိုလည်း မှတ်မိကြ မှာပါ။ သူဟာ အမေရိကန် သမ္မတဘုရှ် ကိုလည်း ပြောင်လှောင်သရော် ခဲ့ပါသေးတယ်။ Robin Williams Destory President Bush ဆိုတဲ့ ခေါင်းစဉ်နဲ့ Youtube မှာ ကြည့်နိုင်ပါတယ်။ မြန်မာနိုင်ငံမှာ ဆိုရင်တော့ သမ္မတကို ပြောင်လှောင်သရော်တဲ့ ဗီဒီယိုရိုက်ကူးမှုမျိုးကို ဘယ်လိုပုဒ်မမျိုး တပ်မလဲ မပြောနိုင်ပါဘူး။ ရော်ဘင်ဝီလျံရဲ့ ပြောင်မြောင်လှတဲ့ အနုပညာ အရည်အသွေးဟာ အော်စကာ ကြိုတင်ခန့်မှန်းမှု လေးကြိမ် အထိ မှတ်ကျောက် တင်နိုင်ခဲ့ပါတယ်။ ဗီယက်နမ်နိုင်ငံ ဆိုင်ဂုံမြို့ကို Armed Forces Radio ရဲ့ DJ တာဝန် ထမ်းဆောင်ဖို့ ရောက်လာတဲ့ လေတပ်တပ်သားအဖြစ် သရုပ်ဆောင်ခဲ့တဲ့ Good Morning,Vietnam (၁၉၈၇)၊ ပြဋ္ဌာန်းစာအုပ် တွေရဲ့ အပြင်ဘက်လောကအထိ တပည့်တွေကို မြင်စေချင်တဲ့ အင်္ဂလိပ်ဘာသာပြ ဆရာအဖြစ် သရုပ် ဆောင်ခဲ့တဲ့ Dead Poets Society (၁၉၈၉)၊ အိမ်ခြေရာခြေမဲ့ တယောက်အဖြစ် ပီပြင်ခဲ့တဲ့ The Fisher King (၁၉၉၁) ဇာတ်ကားတွေနဲ့ အကောင်းဆုံး အမျိုးသားဇာတ်ဆောင်ဆု ဆန်ခါတင်စာရင်း ဝင်ခဲ့သလို Bunker Hill Community Collage မှာ စိတ်ပညာဘာသာရပ် သင်ကြားသူ စိတ်ပညာရှင် အဖြစ် ပါဝင်သရုပ်ဆောင်ခဲ့တဲ့ Good Will Hunting (၁၉၉၇) နဲ့လည်း ဇာတ်ပို့ဆု စာရင်းဝင်ခဲ့ပါ တယ်။ Good Will Hunting ကတော့ ရော်ဘင် ဝီလျံကို အော်စကာဆုရှင် ဖြစ်စေခဲ့တဲ့ ရုပ်ရှင်ပါ။ သူ့ရဲ့ နောက်ဆုံး ရိုက်ကူးခဲ့တဲ့ ဇာတ်ကားတွေထဲက တကားဖြစ်တဲ့ The Angriest Man in Brooklyn ကလည်း သူ့ အတွက် နိမိတ်ပြခဲ့သလို ကြည့်ရှု ရတဲ့ ပရိသတ်ကို ခံစားရစေပါတယ်။ ဇာတ်လမ်းအရ ရောဂါဝေဒနာ တခုကြောင့် သေဆုံးဖို့ နာရီ ၉၀ ခန့်သာ ကျန်တော့တဲ့ လူတယောက်၊ နောက်ဆုံး အချိန်မှာ သူမျှော်လင့်ပေမယ့် မိသားစုနဲ့ ပတ်ဝန်းကျင်ရဲ့ နွေးထွေးဂရုစိုက်မှုကို မခံစားရတဲ့ အတွက် ကိုယ့်ကိုယ်ကို သတ်သေဖို့ ကြိုးစားခဲ့တဲ့ အထိ စိတ်ကျ ဝေဒနာ ခံစားခဲ့သူ နေရာမှာ ရော်ဘင်ဝီလျံက သရုပ်ဆောင်ထားပါတယ်။ ဇာတ်လမ်းထဲမှာတော့ ဆရာဝန်က ကယ်တင်ခဲ့တဲ့ အတွက် သူ့ရဲ့ သတ်သေမှုဟာ မအောင်မြင်ခဲ့ပါဘူး။ တကယ့် ပြင်ပကမ္ဘာရဲ့ သူ့ဘဝ တသက်တာ မှာတော့ ရော်ဘင်ဝီလျံဟာ အော်စကာအပြင် ဂရမ်မီလို ဆုတွေလည်း ရခဲ့ပါရဲ့။ အောင်မြင်မှု၊ ကြွယ်ဝ ချမ်းသာမှုတွေ ပိုင်ဆိုင်သူ၊ အားပေး ချစ်ခင်သူ များလှတဲ့သူ စသဖြင့် ဂုဏ်ပုဒ်တွေကို ပိုင်ဆိုင်တဲ့သူ တယောက်ဟာ တခြားသော တဘက်မှာတော့ စိတ်ထွက်ပေါက် ကင်းမဲ့သလို ခံစားရတယ်လို့ ဆိုရင် အံ့အားသင့်စရာ။ ရော်ဘင်ဝီလျံဟာ ၁၉၈၀ ကျော် နှစ်ကာလများ ကတည်းက ကိုကင်းလို မူးယစ်ဆေး မျိုးနဲ့ ဆက်နွှယ်နေ ခဲ့ပါသတဲ့။ “ကိုကင်းဟာ ပုန်းကွယ်စရာ နေရာတခု ဖြစ်ခဲ့ပါတယ်” လို့ ၁၉၈၈ ခုနှစ်က People Magazine ကို ဖြေကြားခဲ့ဖူးပါ တယ်။ မိတ်ဆွေရင်းချာ John Belushi သေဆုံးမှုရယ်၊ သားကြီး မွေးဖွားလာမှုရယ်ဟာ သူ့ကို ဆေးဝါးတွေ၊ အရက်တွေနဲ့ အဆက်ပြတ်စေခဲ့ ပေမယ့် ၂၀ဝ၃ မှာတော့ အရက်ဆီ ခြေဦးပြန်လှည့် ပါတယ်။ ကျန်းမာရေး အနေနဲ့ ၂၀ဝ၉ ခုနှစ်မှာ နှလုံးရောဂါနဲ့ ဆေးရုံတက်ဖူးသူ၊ ခွဲစိတ်မှု ခံယူဖူးသူ၊ မိသားစုဘဝမှာ အိမ်ထောင်သုံးဆက် ပြောင်းပြီး သားသမီး ထွန်းကားခဲ့သူ၊ လူမှုရေး လုပ်ငန်းတွေမှာလည်း တက်တက်ကြွကြွ ရှိခဲ့သူ၊ အာဖဂန်နစ္စတန်၊ အီရတ်၊ ကူဝိတ်မှာ အခြေစိုက်တဲ့ အမေရိကန် တပ်သားတွေ အတွက် ခရီးလှည့်လည်ပြီး စိတ်ဓာတ် မြှင့်တင်ပေးခဲ့သူ၊ အပြုံးရိပ်တောက်တဲ့ မျက်ဝန်း၊ တဖက်သား စိတ်ကြည်လင် ရွှင်ပျစေတဲ့ မျက်နှာကို ပိုင်ဆိုင် သူဟာ ဩဂုတ် ၁၁ ရက်နေ့ကတော့ လောက ကမ္ဘာကို နှုတ်ဆက်ခဲ့ပါပြီ။ မကွယ်လွန်ခင် နာရီပိုင်း၊ မိနစ်ပိုင်း အလိုမှာ သူ ဘာတွေများ တွေးနေခဲ့ ပါသလဲ။ လူတကာကို ရွှင်ပြုံးစေခဲ့ သူရဲ့ ရင်တွင်းမှာ ဘယ်လို စိတ်ဝေဒနာ တွေကို သိုဝှက်ခဲ့ပါသလဲ။ သူ ကိုယ်တိုင်သာ သိနိုင်တော့မယ့် မေးခွန်းတွေကတော့ သူ့ သတင်းကို စုတ်တသပ်သပ် ဖြစ်ရသူတွေဆီမှာ ကျန်နေရစ်ပါပြီ။ သူ သေဆုံးပြီး ၃ ရက်အကြာ ဩဂုတ် ၁၄ ရက်နေ့မှာတော့ သူ့ဇနီးဖြစ်သူက သူဟာ ပါကင်ဆန် ရောဂါနဲ့ ကနဦး အဆင့်ကို စတင်ခံစား နေရပြီလို့ ထုတ်ဖော် ပြောကြားခဲ့ပါတယ်။ ၂၀၁၁ ခုနှစ်ကမှ လက်ထပ်ခဲ့တဲ့ သူ့ရဲ့တတိယ ဇနီး ဂရပ်ဖစ်ဒီဇိုင်နာ Susan Schneider က ရော် ဘင်ဝီလျံ သေဆုံးမှုနဲ့ ပတ်သက်ပြီး “ဒီနံနက် လူချစ် လူခင်များတဲ့ အနုပညာရှင် တွေထဲက တယောက်ကို ကမ္ဘာကြီးက ဆုံးရှုံးခဲ့ သလို ကျမလည်း ကျမ ခင်ပွန်း၊ မိတ်ဆွေကို ဆုံးရှုံးလိုက်ရပါပြီ” လို့ ပြောခဲ့ပါတယ်။ သမီးလေး Zelda အတွက်ကတော့ ပိုပြီး လွမ်းစရာ ကောင်းလှပါတယ်။ သူ့ဖခင် မသေဆုံးမီ နှစ်ပတ်လောက် အလိုမှာ ဆိုရှယ် မီဒီယာထက် နောက်ဆုံး ဝေမျှခဲ့တာဟာ Zelda ငယ်ဘဝက ဓာတ်ပုံလေးပါ။ ဇူလိုင် ၃၁ ရက်မှာ ကျရောက်တဲ့ သမီးလေးရဲ့ ၂၅ နှစ်ပြည့် မွေးနေ့ အတွက် မျှဝေခဲ့တာလို့ ဆိုပါတယ်။ ၂၀၁၄ မှာ ကြွေလွင့်ခဲ့တဲ့ ဂီတ၊ စာပေ၊ အား ကစား၊ နိုင်ငံရေး၊ စီးပွားရေး နယ်ပယ်က ထင်ရှား သူတွေအနက် ရော်ဘင်ဝီလျံဟာ ၉၆ ဦးမြောက် ဖြစ်ပါတယ်လို့ Chicago Tribune က ဖော်ပြခဲ့ပါတယ်။ တပွင့်ပြီးတပွင့် ကြွေသက်တဲ့ ကြယ်တွေ။ ကောင်းကင်က ကြယ်တွေ ကြွေတဲ့နောက် အဲဒီ ကြယ်တွေ ခြေရာ ကျန်ရစ် သလား၊ မကျန်ရစ်ဘူးလား၊ ကျမတို့ မသိနိုင်ပေမယ့် လူ့လောက ကောင်းကျိုးကို တထောင့်တနေရာက ပါဝင်ပံ့ပိုး ခဲ့သူတွေ ကတော့ ကြယ်တွေလို ကြွေတဲ့ နောက်မှာလည်း လှပတဲ့ ခြေရာတွေကို ချန်ထားနိုင် ခဲ့ကြပါတယ်။ ။ သုရီလင်း မူရင်း=http://burma.irrawaddy.org/entertainment/2014/08/22/63589.html

“စိတ်ဓါတ်ကို မြှင့်တင်ထားပါ”

ကာယကံ၊ ၀စီကံ၊ မနောကံဟူ၍ ရှိရာတွင် “မနောကံ”သည် အကြီးအမှူးးဖြစ်ပါ၏။
မနောကံ ဦးဆောင်ရာနောက်သို့ ကာယကံ၊ ၀စီကံတို့ လိုက်ပါရသည်ချည်းဖြစ်၏။
စိတ်သည် လူသား၏ ဘ၀ကံကြမ္မာကို လွှမ်းမိုး၏။ စိတ်ဓါတ်ညံ့ဖျင်းလျှင် ဘ၀လည်း ဖျင်းညံ့ပေလိမ့်မည်။
စိတ်ဓါတ်သေးသိမ်လျှင် ဘ၀လည်း သေးသိမ်ပေလိမ့်မည်။ စိတ်ဓါတ်မြင့်မားလျှင် ဘ၀လည်း မြင့်မားပေလိမ့်မည်။ စိတ်ဓါတ်သန့်ရှင်းလျှင် ဘ၀လည်း သန့်ရှင်းပါလိမ့်မည်။

သမ္မာအာဇီဝ အသက်မွေးမှုအတွက် အစဉ်နိုးကြားထကြွနေသော စိတ်ဓါတ်၊
ကောင်းမှုကုသိုလ်တရားများတွင် အစဉ်မွေ့လျော်နေသောစိတ်ဓါတ်များ ပျိုးထောင် မွေးမြူနေဖို့လိုပါမည်။
စိတ်ဓါတ်ရေချိန်ကို သတိနဲ့ စောင့်ကြည့် ထိန်းညှိနေရန်လိုပါမည်။

ပုထုဇဉ်သဘာဝ အဆိုးလောကဓံ၏ ထိုးနှက်မှုကို ခံရသောအခါ စိတ်ဓါတ်ယိမ်းယိုင်
ဆုတ်နစ်တတ်ပေသည်။ ယင်း ဆုတ်နစ်ပျက်ပြားသော စိတ်ကို ရေရှည်ကြီးထွား
ရှင်သန်ခွင့်မပေးရန် လိုပါသည်။

စိတ်ဓါတ်ကျလျှင် မည်သည့်အရာကိုမျှ အဖတ်ဆယ်၍ ရလိမ့်မည် မဟုတ်ပါ။ အဆိုးလောကဓံကြောင့် စိတ်ဓါတ်ကျဆင်း၊ ထို အဆိုးစိတ်က ထပ်မံ၍ မအောင်မြင်မှု ၊
ဆုံးရှုံးမှုများ အဆိုးဝဲဂယက်မှ ရုန်းထွက်နိုင်မည်မဟုတ်ပါ။

သို့ဖြစ်၍ စိတ်ဓါတ်ကို အမြဲမြှင့်တင်၍ ထားရန် မန္တလေးအနောက်မြို့နယ် “မဂ္ဂမဟာပဏ္ဍိတဘဒ္ဒန္ဒ
အဂ္ဃိယဆရာတော်ကြီး”က အောက်ပါအတိုင်း သြ၀ါဒ ပေးသနားတော်မူခဲ့သည်။
 

●“ဖျင်းညံ့သဘော စိတ်ဓါတ်ဟော၏။
●စိတ်ဓါတ်မြှင့်တင် ဖျင်းညံ့စင်၏။
●ဖျင်းညံ့သဘော စိတ်ဓါတ်ဟော၏။
●စိတ်ဓါတ်လွင့်စဉ် ဖျင်းညံ့ဝင်၏။။”
 

လောကရေး သူဋ္ဌေးဖြစ်လိုသူတိုင်းနှင့် ဓမ္မရေး အရိယာဖြစ်လိုသူတိုင်း စိတ်ဓါတ်မကျပါလေနှင့်။
မိမိစိတ်ဓါတ်ကို မြှင့်တင်ထားပါဟု သတိပေးစကား ရေးသားအပ်ပါသည်။

【မင်းနန် - မော်ကျွန်း- ဆရာတော်ကြီးများ၏ ဩဝါဒတော်များပေါင်းချုပ် နှာ ၄၂ မှ-】
Dhamma Dãna Source ►

“ဗုဒ္ဓဘာသာ တစ်နေ့တာ (ချမ်းသာအောင်နေနည်း)”

 
(၁)။ နေထွက်နေဝင်၊ ကိုးဂုဏ်ရှင်၊ နေ့စဉ်ရှိခိုးမယ်။
(၂)။ အနန္တငါး၊ ဂုဏ်တော်များ၊ ညွတ်တွားကန်တော့မယ်။ (ရွတ်ပွါးကန်တော့မယ်။)
(၃)။ မျက်နှာသစ်လျှင်၊ ရေကိုမြင်၊ မြင်စဉ်မေတ္တာပွါးပါ့မယ်။
(၄)။ သစ်ရင်းသစ်ရင်း၊ လျော့ယိုယွင်း၊ ရုပ်ဆင်းသတိထားပါ့မယ်။
(၅)။ မသန့်မစင်၊ ရေအိမ်ဝင်၊ ဆင်ခြင်အသုဘ ပွါးပါ့မယ်။

(၆ မှ ၁၁ အထိ ယောဂီများအတွက်)
~~~~~~~~~~~~~~~~~~~~~~~~~~
(၆)။ လူမမာကြီး၊ ဆေးကျွေးနည်းသို့၊ ပုံမှီး၍သာ၊ ဤခန္ဓာ အစာရေစာကျွေးပါ့မယ်။
(၇)။ နူနာကောင်ကြီး၊ ကျပ်တွေစည်းသို့၊ ပုံမှီး၍သာ၊ ဤခန္ဓာ တန်ဆာအဝတ်ဆင်ပါ့မယ်။
(၈)။ နေ့စဉ်ယုယ၊ ကျွေးမွေးရလည်း၊ ခဏတိုင်းသေ၊ နေ့တိုင်းသေ သေမှုဆင်ခြင်ပွါးပါ့မယ်။
(၉)။ ရုပ်ဆင်း ကြန်အင်၊ “အကန်း”သွင်၊ မမြင်ချင်ယောင်ဆောင်ပါ့မယ်။
(၁၀)။ တွေ့ကရစကား၊ “နားပင်း”လား၊ မကြားချင်ယောင်ဆောင်ပါ့မယ်။
(၁၁)။ စကားပေါက်ကရ၊ နှုတ်မဟ၊ “အအ”လိုပဲနေပါ့မယ်။

(၁၂)။ လောဘစကား၊ ဒေါသစကား၊ မောဟစကား၊မာနစကား၊ ဣဿာစကား၊ မီးတောက်လား၊
ရှောင်ရှားဝေးစွာနေပါ့မယ်။
(၁၃)။ လူချင်းတွေ့လျှင်၊ ကိုယ်ကပင်၊ အရင် မေတ္တာပို့ပါ့မယ်။
(၁၄)။ တန်းတူတွေ့လျှင်၊ “မေတ္တာ”ဝင်၊ မဝင်နိုင်က ပြိုင်တတ်တယ်။
(၁၅)။ ပြိုင်မယ့်အစား၊ မေတ္တာပွါး၊ စိတ်ထားပြုပြင် ပြောင်းပါ့မယ်။
(၁၆)။ ကိုယ့်အောက်တွေ့လျှင်၊ “ကရုဏာ”ဝင်၊မဝင်နိုင်က နိုင်တတ်တယ်။
(၁၇)။ နိုင်မယ့်အစား၊ ကရုဏာပွါး၊ စိတ်ထားပြုပြင် ပြောင်းပါ့မယ်။
(၁၈)။ ကိုယ့်ထက်သာလျှင်၊ “မုဒိတာ”ဝင်၊ မဝင် “ဣဿာ”ယိုင်တတ်တယ်။
(၁၉)။ ယိုင်မယ့်အစား၊ မုဒိတာပွါး၊ စိတ်ထားပြုပြင် ပြောင်းပါ့မယ်။
(၂၀)။ ကောင်းဆိုးကြုံရ၊ ဘုံဘဝဝယ်၊ ကယ်မဖို့ရာ၊ ခွင့်မသာမူ၊
သတ္တဝါတစ်ခု၊ ကံတစ်ခုဟု၊ “ဥပေက္ခာ”ဝင်၊ ကံဆင်ခြင်၊ကြည်လင်အေးအောင်နေပါ့မယ်။
(၂၁)။ ရုပ်ကိုလည်းပြင်၊ စိတ်လည်းပြင်၊ ပြင်ဆင်တိုင်းရ၊
ပြင်တိုင်းလှ၊ သုခနိဗ္ဗာန် တိုင်လိမ့်မယ်။

[ဓမ္မာစရိယ ဦးဌေးလှိုင် (ဘဝခုံရုံးစာအုပ်မှ-)]
 
မေတ္တာဖြင့် 。。。
-【အရှင်ဝိသာရဒ (ရမ္မာဝတီ)】

ဘာသာရေးလွတ်လပ်ခွင့် အမေရိကန်ကော်မရှင်အဖွဲ့အား သီတဂူဆရာတော်မိန့်သည့်စကား

အပြည်ပြည်ဆုိုင်ရာ ဘာသာရေးလွတ်လပ်ခွင့် အမေရိကန်ကော်မရှင် အဖွဲ့သည် ၂၁-၈-၂၀၁၄ ခု၊ ယနေ့ နံက်(၀၉း၀၀)နာရီတွင် သီတဂူကမ္ဘာ့ဗုဒ္ဓတက္ကသိုလ်၌ သီတဂူဆရာတော်ကြီးအား လာရောက်တွေ့ဆုံသည့်ပွဲမှာ သီတဂူဆရာတော်ကြီးပြောလိုက်သည့် စကားများ လူကြီးမင်းများခင်ဗျား၊ ကောင်းသောနံနက်ခင်းပါ။ သီတဂူကမ္ဘာ့ဗုဒ္ဓတက္ကသိုလ်က ရင်းနှီးစွာ ကြိုဆိုပါတယ်။ တွေ့ဆုံခွင့်၊ စကားပြောဆိုဆွေးနွေးခွင့်ရလို့ ၀မ်းသာပါတယ်။ ဘာသာတရားစတင်ပေါ်ပေါက် ====================== ယနေ့ကမ္ဘာပေါ်မှာ လူသားတို့ကိုးကွယ်ရာ အဓိကကျသောဘာသာကြီး(၆)ခု ရှိကြပါတယ်။ ကမ္ဘာဦးလူသားတွေ မြေကြီးပေါ်ရောက်လာတဲ့ အချိန်ကစပြီး လူသားတို့သည် ကြောက်စိတ်ကို အခြေခံ၍ နေကိုကိုးကွယ်ခြင်း၊ လကိုကိုးကွယ်ခြင်း၊ နတ်အမျိုးမျိုးကိုကိုးကွယ်ခြင်းတို့ ရှိခဲ့ကြပါတယ်။ အဲဒါကို Primitive Religion လို့ခေါ်ပါတယ်။ အဲဒီခေတ်မှာ ဖြစ်ပေါ်လာခဲ့တဲ့ Religionတွေကို ကြောက်စိတ်က စတယ်လို့ ပညာရှိအများစုတို့က ဆိုကြပါတယ်။ အကြောက်တရားတွေမှ သက်သာရာရစေဖို့ ကိုးကွယ်မှုဆိုင်ရာ အယူအဆတွေ စတင်ခဲ့ကြတာလို့ ဗုဒ္ဓကလည်း အတိအလင်း ပြောထားပါတယ်။ ဒါဆိုရင် ဘာသာတရားတိုင်းဟာ လူသားတွေရဲ့ရင်ထဲက အကြောက်တရားတွေကို သက်သာရာ ရစေဖို့နဲ့ ဖြစ်နိုင်ရင် အကြောက်တရားတွေကို လုံးဝဖယ်ရှားပေးဖို့ တာဝန်ရှိပါတယ်။ ဘာသာတရားတိုင်းနှင့် အတူလက်တွဲနိုင်တဲ့ ဗုဒ္ဓဘာသာ =============================== ဒါပေမယ့် ဒီနေ့ခေတ်မှာတော့ ကြောက်စရာကောင်းတဲ့ ဘာသာတရားတချို့နဲ့ ကြောက်စရာ ကောင်းတဲ့ ဘာသာဝင်တချို့ ပေါ်ပေါက်လာတာဟာ အလွန်ပဲ ၀မ်းနည်းစရာကောင်းပါတယ်။ Primitive Religionတွေရဲ့ နောက်မှာတော့ ဟိန္ဒူဘာသာ ပေါ်ပေါက်လာပါတယ်။ ဟိန္ဒူဘာသာ ထွန်းကားတဲ့ နယ်မြေမှာ ဂျိန်းဘာသာရယ်လို့ ပေါ်ပေါက်လာပြန်တယ်။ ဂျိန်းဘာသာ ပေါ်ပေါက်လာပြီးသည့်နောက် အနှစ်လေးဆယ်လောက်အကြာမှာ ဗုဒ္ဓဘာသာ ပေါ်ပေါက်ခဲ့ပြန်ပါတယ်။ ဗုဒ္ဓဘာသာဟာ ဟိန္ဒူဘာသာနှင့် ဂျိန်းဘာသာဝင်တို့ရဲ့ နယ်မြေမှာပေါ်ပေါက်ခဲ့ပြီး ဟိန္ဒူဘာသာဝင်တွေ ဂျိန်းဘာသာဝင်တွေနှင့် နှစ်ပေါင်းများစွာ အတူတကွငြိမ်းချမ်းစွာ ယှဉ်တွဲ နေထိုင်လာခဲ့ကြပါတယ်။ ဂျိန်း၊ ဟိန္ဒူနှင့် ဗုဒ္ဓဘာသာဝင်တို့ရဲ့သမိုင်းမှာ အချင်းချင်းသွေးထွက်သံယို တိုက်ခိုက်သတ်ဖြတ်နှိပ်စက်တဲ့ ပဋိပက္ခတွေ ဖြစ်ခဲ့ဘူးတယ်ရယ်လို့ မရှိခဲ့ဖူးပါဘူး။ ဟိန္ဒူဘာသာဝင်တို့က ဗုဒ္ဓဟာ ဗိဿနိုးဝင်စားတဲ့သူလို့ ဆိုတာတောင်မှ ပြန်လှန်တိုက်ခိုက်ခြင်း ပဋ္ဋိပက္ခမျိုး မရှိခဲ့ပါဘူး။ ဟောပြောရေးသား တုန့်ပြန်ချေပတာလောက်ပဲ ရှိခဲ့ပါတယ်။

လွတ်လပ်ခွင့်အပြည့်ရှိသော ဘာသာ ============================ ဗုဒ္ဓ၏နောက် အနှစ်ခြောက်ရာကျော်ကြာတော့ Jesus Christ ပေါ်ပေါက်လာပါခဲ့တယ်။ Jesus Christ ဟောပြတဲ့ ပညတ်တော်(၁၀)ပါးမှာ ဗုဒ္ဓဟောပြသောသီလတရား ဗြဟ္မစရိယတရားတွေနှင့် ထပ်တူညီမျှတဲ့ အချက်တွေ များစွာတွေ့ရပါတယ်။ ခရစ်ယာန်သာသနာပြုတို့ အရှေ့အာရှဘက်ကို ၀င်ရောက်လာကြတော့ ဟိန္ဒူဘာသာဝင်တွေ ဗုဒ္ဓဘာသာဝင်တွေရဲ့ နိုင်ငံများဖြစ်ကြတဲ့ အိန္ဒိယ၊ သီဟိုဠ်၊ ဗမာ၊ ထိုင်း၊ ကိုးရီးယား၊ ဂျပန် စတဲ့ နိုင်ငံတွေမှာ ၀င်ရောက်ပြီး ခရစ်ယာန်သာသနာကို ဖြန့်ချီခဲ့ကြပါတယ်။ အဲဒီခရစ်ယာန်သာသနာပြုတွေနှင့် သူတို့ရောက်ရာ တိုင်းပြည်အသီးသီးက ဗုဒ္ဓဘာသာဝင်တွေ ဟိန္ဒူ ဘာသာဝင်တွေဟာ အချင်းချင်း ချစ်ခင်ရင်းနှီးစွာ ဆက်ဆံပေါင်းသင်း၍ နေထိုင်ခဲ့ကြပါတယ်။ ပဋိပက္ခရယ်လို့ မရှိခဲ့ကြပါဘူး။ အဲဒါဘာကြောင့်လည်းဆိုတော့ ဟိန္ဒူဘာသာ၊ ဗုဒ္ဓဘာသာ၊ ဂျိန်းဘာသာ၊ ခရစ်ယာန်ဘာသာဝင်တွေဟာ သူတို့သက်ဆိုင်ရာဘာသာတရား အသီးသီးမှာ ဟောထားတဲ့ သီလ(morality)၊ မေတ္တာ (loving-kindness)၊ ကရုဏာ(compassion)ဆိုတဲ့ common-platformပေါ်မှာ အတူတကွ လက်တွဲ လျှောက်လှမ်းနေကြတဲ့အတွက်ပဲ ဖြစ်ပါတယ်။ မေတ္တာနှင့်ကရုဏာကို အခြေခံသောဘာသာရေးမှာ ပဋိပက္ခကင်းပြီးတော့ ကျန်းမာရေး ပညာရေး အစရှိတဲ့ လူမှုရေးအကျိုးစီးပွားတွေကိုသာ ဆောင်ရွက်ကြတာဖြစ်ပါတယ်။ ခရစ်ယာန်တွေ ဗုဒ္ဓဘာသာထဲ ကူးပြောင်းဝင်ရောက်ကြတာတွေ အတိတ်မှာရော ပစ္စုပ္ပန်မှာပါ အများကြီးရှိပါတယ်။ ဗုဒ္ဓဘာသာဝင်တွေက အတင်းအကြပ်နှိပ်စက်လို့ ၀င်လာကြတာမျိုး မဟုတ်ပါဘူး။ ဗုဒ္ဓဘာသာဝင်တွေ ခရစ်ယာန်ဘာသာထဲ ကူးပြောင်းဝင်ရောက်ကြတာလည်း ကျွန်ုပ်တို့မြန်မာနိုင်ငံထဲမှာ အများအပြားပဲ ရှိပါတယ်။ ခရစ်ယာန်တွေကခြိမ်းခြောက်လို့ ၀င်ရောက်ကြတာမဟုတ်ပါဘူး။ သူတို့ဆန္ဒနဲ့ သူတို့ ၀င်ရောက်ကြတာဖြစ်ပါတယ်။ မည်သည့်ဘာသာမဆိုလွတ်လပ်စွာ ယုံကြည် ကိုးကွယ်ခွင့် freedom of worship, freedom of belief ဆိုတာရှိပါတယ်။

ကမ္ဘာ့ကြောက်စရာကောင်းဆုံးသော ဘာသာတရားတစ်ခု ရှိနေ =========================================== Aggressiveness and extremism ၀ါဒဟာ ဘာသာရေးမှာရော နိုင်ငံရေးမှာပါ ပဋိပက္ခ ဖြစ်ခြင်းရဲ့ အစလို့ အားလုံးသတိပြုကြရမှာ ဖြစ်ပါတယ်။ ဒီကနေ့ အီရတ်မှာ အစ္စလာမ်းမစ် အစွန်းရောက်တွေက ရှေးဟောင်း Zoroastrianism ဘာသာဝင်တွေကို သေနတ်နှင့်ချိန်ပြီးတော့ သူတို့ဘာသာထဲ အတင်းအကျပ် ၀င်ခိုင်းနေပါတယ်။ အစ္စလာမ်ဘာသာထဲ မပြောင်းရင် သတ်မယ်လို့ ခြိမ်းခြောက်နေပါတယ်။ အာဖရိကမှာတော့ အစ္စလာမ်ဘာသာဝင် အမျိုးသမီးတစ်ယောက် ခရစ်ယာန်ဘာသာထဲ ၀င်ခဲ့ရောက်လို့ သေဒဏ်ပေးခံရတဲ့ သတင်းကိုလည်း ကြားရပါတယ်။ ဒါကြောင့် ဒို့အရှေ့အာရှကအင်အားချိနဲ့တဲ့ ဗုဒ္ဓဘာသာဝင်နိုင်ငံလေးတွေဟာ ယနေ့အရှိန်အဟုန်နဲ့ ကြီးမား ကျယ်ပြန့်လာတဲ့ အစ္စလာမ်ဘာသာဝင်တွေရဲ့ ဓါးအောက် ကျရောက်ရမှာကို ကြောက်ရွံ့ စိုးရိမ် နေကြပါတယ်။ အနှစ်လေးဆယ်ကြာ ခရူးဆိတ် ဘာသာရေး စစ်ပွဲကြီးကို ကြည့်ပါ။ ကမ္ဘာ့သမိုင်းမှာ မှတ်တမ်းတင်ရတဲ့ စစ်ပွဲကြီးတစ်ခုပါ။

မွတ်စလင်နိုင်ငံထူထောင်ဖို့ ကမ္ဘာအနှံ့အပြား တိုက်ခိုက်နေ ================================= အေဒီ-(၁၃ရာစု)နှစ်လောက်က တူရကီမှအိန္ဒိယပြည်ကြီးကို ဖြတ်သန်းချီတက်လာတဲ့ မွတ်စလင်စစ်တပ်ကြီးဟာ ပါလခေါ်တဲ့ ဗုဒ္ဓဘာသာနိုင်ငံကြီးတစ်ခုလုံးကို တိုက်ခိုက်ဖျက်ဆီး၍ အတင်း အကျပ် အစ္စလာမ်းမစ်နိုင်ငံအဖြစ် ပြောင်းခဲ့တဲ့ သမိုင်းတစ်ခုရှိခဲ့ပါတယ်။ ဗုဒ္ဓဘာသာမင်းဆက်ပေါင်း ၁၂-ဆက် မျှအုပ်ချုပ်ခဲ့တဲ့ ပါလဗုဒ္ဓဘာသာနိုင်ငံတော်ကြီးဟာ ဒီကနေ့ ကမ္ဘာကျော်တဲ့ ဘင်္ဂလားဒေ့ရှ် နိုင်ငံပါပဲ။ ဖိလစ်ပိုင် နိုင်ငံတောင်ပိုင်းမှာ အစ္စလာမ်ဘာသာဝင်တွေ လက်နက်ကိုင် တိုက်ခိုက်ခဲ့တာ အနှစ်နှစ်ဆယ်လောက် ကြာခဲ့ပါတယ်။ ဒီကနေ့ မွတ်စလင် Muslim State ထူထောင်လိုက်ပါပြီ။ ထိုင်းနိုင်ငံ တောင်ပိုင်းမှာလည်း အစ္စလာမ်ဘာသာဝင်တွေ ဒီကနေ့ လက်နက်ကိုင်တိုက်ခိုက် နေကြပါပြီ။ မူစလင် နိုင်ငံထူထောင်ရေးပါပဲ။ ဘာသာရေးကို သန့်သန့်ရှင်းရှင်း၊ လူတို့ရဲ့အကျင့်စာရိတ္တ ကောင်းမွန်ရေး၊ စိတ်ထားဖြူစင်ရေးနဲ့ လူမှုရေး ကောင်းရာကောင်းကျိုးတွေအတွက်သာ အသုံးပြုရမှာ ဖြစ်ပေမယ့် ဒီကနေ့ အစ္စလာမ်ဘာသာဝင်တွေရဲ့ လောကမှာ ဘာသာရေးစစ်ပွဲဆင်နွှဲပြီးတော့ အစ္စလာမ်းမစ်နိုင်ငံထူထောင်ဖို့ လုပ်နေကြတာဟာ အလွန်ပဲစိတ်ပျက်ဝမ်းနည်းဖွယ်ရာ ကောင်းပါတယ်။

ဘင်္ဂလားတွေကို မြန်မာပြည်ထဲသွင်းခဲ့သူ ========================== ကျွန်ုပ်တို့ မြန်မာနိင်ငံဟာ ၁၉၄၈-ခုနှစ်က အင်္ဂလိပ်လက်အောက်က လွတ်မြောက်ခဲ့ပါတယ်။ အင်္ဂလိပ်က ကျွန်ုပ်တို့နိုင်ငံကို အနှစ်တစ်ရာနီးပါးအုပ်ချုပ်ခဲ့တယ်။ အဲဒီအင်္ဂလိပ်တွေက မြန်မာနိုင်ငံမှာ ကားလမ်း ရထားလမ်းဖောက်ခြင်းစတဲ့ အလုပ်တွေအတွက် အလုပ်သမားတွေကိုအိန္ဒိယနှင့် ဘင်္ဂလားဒေ့ရ်ှကနေပြီး စည်းမဲ့ကမ်းမဲ့ဥပဒေကင်းမဲ့စွာနဲ့ မြောက်များစွာ တင်သွင်းခဲ့တယ်။ အမေရိကန်တွေ United Statesကို ထူထောင်ခဲ့စဉ်တုန်းက အာဖရိကကလူမည်းတွေကို ကျေးကျွန်အဖြစ် ခေါ်သွင်းခဲ့ကြသလိုပါပဲ။ ပြီးတော့ အင်္ဂလိပ်ရဲ့ အုပ်ချုပ်မှုစနစ်ဟာ မြန်မာနိုင်ငံ အနာဂတ်ဆိုးကျိုးကို များစွာဖြစ်စေခဲ့တဲ့ အချက်တစ်ခု ရှိပါသေးတယ်။ အင်္ဂလိပ်အုပ်ချုပ်ခဲ့တဲ့ အနှစ်တစ်ရာအတွင်းမှာ ဗမာ့တပ်မတော်ရယ်လို့ ဗမာတွေကို စစ်တပ်ဖွဲ့၍ အုပ်ချုပ်ခဲ့တာမရှိပါဘူး။ ဒါပေမယ့် အံ့သြစရာ ကောင်းတာက ကရင်တပ်မတော် ကချင်တပ်မတော် ချင်းတပ်မတော် ကယားတပ်မတော်တွေရယ်လို့ ခရစ်ယာန်ဘာသာဝင်အများစုဖြစ်ကြတဲ့ တိုင်းရင်းသားတွေကို စစ်တပ်ဖွဲ့ပြီး ဒို့ဗမာနိုင်ငံကို အုပ်ချုပ်ခဲ့ကြတယ်။

အင်္ဂလိပ်တွေထားခဲ့တဲ့ ဆိုးမွေ ======================== အင်္ဂလိပ်အစိုးရအင်္ဂလန်ပြန်သွားတဲ့အခါမှာ သူတို့ဖွဲ့ထားခဲ့တဲ့ ကရင်တပ်တွေ ကချင်တပ်တွေ ကယားတပ်တွေ အားလုံးသူပုန်ထပြီး ဗမာအစိုးရကို တော်လှန်ကြတော့တာပါပဲ။ အဲဒီပြဿနာတွေကို ဒီကနေ့တိုင် ဒို့နိုင်ငံမှာဖြေရှင်းလို့ မရသေးပါဘူး။ အဲဒါဟာလွတ်မြောက်ပြီးစ ဒို့လို ကိုလိုနီနိုင်ငံလေးများရဲ့ ခံစားရစမြဲဖြစ်တဲ့ ဒုက္ခတွေပါပဲ။ နောက်တစ်ခုရှိသေးတယ်၊ ရခိုင်ပြည်နယ်တစ်ခွင်မှာ အင်္ဂလိပ်အုပ်ချုပ်ခဲ့တဲ့ အနှစ်တစ်ရာနီးပါးမျှကာလပတ်လုံး ဥပေဒမဲ့ ၀င်ရောက်နေထိုင်ခဲ့ကြတဲ့ ဘင်္ဂါလီတွေဟာ (၁၉၄၈-၄၉) ခုနှစ်များမှာ မူဂျာဟစ်အမည်နဲ့ သူပုန်ထပြီးတော့ ပြည်နယ်တောင်းခဲ့ကြတယ်။ Musulim State ထူထောင်ဖို့ ကြိုးစားခဲ့ကြတယ်။ အဲဒီအစ္စလာမ်းမစ် မူဂျာဟစ်သူပုန်တွေကို ဗမာ့တပ်မတော်ဟာ အကြိတ်အနယ် တိုက်ခိုက်ခဲ့ရဖူးပါတယ်။ ဒီကနေ့တော့ သူတို့ဟာ ဘင်္ဂါလီလို့လည်းမပြောဘူး။ မူဂျာဟစ်လို့လည်း မပြောဘူး။ ရိုဟင်ဂျာလို့ ကြေညာပြီးတော့ သူတို့ကိုယ်တိုင် သူတို့အိမ်တွေကို မီးရှို့ပြီးတော့ သူပုန်ထဖို့၊ သီးခြားနယ်မြေတောင်းဖို့ ကြိုးစားနေကြပါတယ်။

ကမ္ဘာကြီးနဲ့ မီဒီယာများကို ကြီးစိုးလာတဲ့ အစ္စလာမ် =============================== ဒို့တတွေက ကမ္ဘာမှာဒုတိယအင်အားအကြီးမားဆုံး ငွေကြေးအကြွယ်ဝဆုံး ဖြစ်တဲ့ အစ္စလာမ်ကမ္ဘာကို မပြိုင်နိုင်ကြဘူး၊ မယှဉ်နိုင်ကြဘူး။ ကုလသမဂ္ဂ အဖွဲ့ဝင်နိုင်ငံ တွေထဲမှာတောင် အစ္စလာမ်းမစ်နိုင်ငံတွေက ဒုတိယနေရာအများဆုံးမှာ ရောက်နေကြပြီ။ မီဒီယာလောကမှာလည်း Money Powerနဲ့ မီဒီယာတွေအပေါ်မှာ လွှမ်းမိုးလို့နေပါပြီ။ Money Powerအားကောင်းတဲ့ အစ္စလာမ်တွေက ကမ္ဘာမှာ ရေဒီယို တယ်လီဗေးရှင်းနဲ့ ဂျာနယ် တော်တော် များများကို ဆုပ်ကိုင်ထားပြီး ဖြစ်နေပါတယ်။ အဲဒီလို သြဇာအာဏာကြီးမားတဲ့ မီဒီယာလောကကို ဒို့ဆင်းရဲတဲ့ဗမာနိုင်ငံလေးဟာ ထိုးဖောက်နိုင်ခြင်းမရှိလို့ ဗမာကပြောသမျှ ကမ္ဘာကမယုံဘူး။ အစ္စလာမ်ကပြောလိုက်ရင် တစ်ကမ္ဘာလုံး တအုန်းအုန်းဖြစ်နေကြတယ်။ ဒို့နိုင်ငံတော်ရဲ့ ဂုဏ်သတင်းဟာ ကမ္ဘာမှာ မကောင်းဘဲဖြစ်နေတာဟာ အစ္စလာမ်မီဒီယာတွေရဲ့ သြဇာအာဏာကြောင့်ပဲဖြစ်တယ်။ ဒါကြောင့် ဒို့ကတော့ မြတ်ဗုဒ္ဓဆုံးမတဲ့အတိုင်း favour နှင့် fear အစွန်းနှစ်ဘက်က လွတ်အောင်ရှောင်ပြီး ဒို့တိုင်းပြည်နဲ့ဒို့လူမျိုးကို ဓမ္မဓိဌာန်ကျကျ စောင့်ရှောက် ကာကွယ်သွားမည် ဖြစ်ကြောင်းပြောကြားလိုပါတယ်။

လူကြီးမင်းများခင်ဗျား ------------

နိဂုံးချုပ်အားဖြင့် ပြောကြားလိုတာကတော့ ကျွန်ုပ်တို့ မြန်မာနိုင်ငံဟာ အင်္ဂလိပ်ကိုလိုနီဘ၀နဲ့ နှစ်ပေါင်းတစ်ရာနီးပါးနေခဲ့ကြရတဲ့ အတွက်ကြောင့်လည်းကောင်း၊ လွတ်လပ်ရေးရပြီးတဲ့အခါမှာလည်း နှစ်ပေါင်းခြောက်ဆယ်နီးပါး ပြည်တွင်းမှာ လူမျိုးရေးစစ်ပွဲတွေ ဖြစ်ပွားခဲ့ရတဲ့အတွက်ကြောင့်လည်းကောင်း ကျွန်ုပ်တို့မြန်မာနိုင်ငံဟာ အခက်အခဲပေါင်းများစွာနဲ့ ကြုံတွေ့နေကြရပါတယ်။ ဤအခက်အခဲများကို ကူညီဖြေရှင်းပေးမည်ဟု ပြည်ပအဖွဲ့အစည်း အကူအညီတွေလာကြသော်လည်း ပြဿနာတွေ ပြေလည်မသွားဘဲ ပိုမိုခက်ခဲအောင် လုပ်သွားခဲ့ကြတာတွေ ရံခါမှာတွေ့ရပါတယ်။
သို့ဖြစ်ခြင်းကြောင့် ကျွန်ုပ် ဒီနေ့ပြောကြားလိုသည်မှာ ထိုအခက်အခဲပြဿနာများကို ခင်ဗျားတို့တတ်နိုင်သည့်ဘက်က ၀ိုင်းဝန်းဖြေရှင်းပေးကြပါလို့ ကျွန်ုပ် မေတ္တာရပ်ခံလိုပါတယ်။
နောက်တစ်ခုပြောချင်တာက - လူမျိုးရေးစစ်ပွဲတွေ ချုပ်ငြိမ်းသွားစေဖို့ ကျွန်ုပ်တို့အစိုးရက စားပွဲဝိုင်းမှာ တွေ့ဆုံဆွေးနွေးခြင်းဖြင့် ပြည်တွင်းငြိမ်းချမ်းရေးတည်ဆောက်နေတဲ့အချိန်မှာ နိုင်ငံရေး အစွန်း ရောက်နှင့် ဘာသာရေးအစွန်းရောက်တချို့က ဘာသာရေးပဋိပက္ခများဖြစ်အောင် လှုံ့ဆော်ဖန်တီး နေကြတာကိုလည်း တွေ့နေကြရပါတယ်။ ဤပဋိပက္ခများကို ငြိမ်းချမ်းသွားအောင် ၀ိုင်းဝန်း ဖြေရှင်းပေးကြဖို့ မေတ္တာရပ်ခံပါတယ်။ ငြိမ်းချမ်းအောင် ဖြေရှင်းပေးရာမှာ နည်းစနစ်ဟာ အလွန် အရေးကြီးပါတယ်။ ဖြေရှင်းရင်း ဖြေရှင်းရင်းဖြင့် ပို၍ပို၍ ရှုတ်ထွေးမသွားအောင် သတိပြုကြဖို့ လိုပါတယ်။ ကျွန်ုပ်တို့ကလည်း ဗုဒ္ဓဘာသာဗမာပီပီ မြတ်ဗုဒ္ဓရဲ့အဆုံးအမအတိုင်း သည်းခံခြင်း၊ ခွင့်လွှတ်ခြင်း၊ သူတပါးအကျိုး ဆောင်ရွက်ခြင်း၊ ကိုယ်ကျိုးစီးပွားစွန့်လွတ်ခြင်း၊ ကျိုးကြောင်းဆင်ခြင် သုံးသပ်ခြင်းဆိုတဲ့ ခန္တီ မေတ္တာ သတိ ပညာ ကြီးကြီးထား၍ ဤဘာသာရေး ပြဿနာများကို အကြမ်းဖက်ခြင်း လုံးဝကင်းလျှက် ဖြေရှင်းသွားမည်ဖြစ်ကြောင်း ပြောကြားလိုက်ပါတယ်။ အားလုံးကိုကျေးဇူးတင်ပါတယ်။ အားလုံး ငြိမ်းချမ်းသာယာရှိကြပါစေ။ ဒေါက်တာအရှင်ဉာဏိဿရ ( Ph.D,D.Litt ) သီတဂူကမ္ဘာ့ဗုဒ္ဓတက္ကသိုလ် စစ်ကိုင်း၊ မြန်မာ www.thesitagu.org ရွှင်လန်းချမ်းမြေ့ပါစေ သီတဂူစတား ၂၁-၈-၂၀၁၄

အမျိုးသမီးများအတွက် အထက်မြက်ဆုံး သက်စောင့်ဆေး

အမျိုးသမီးများ၏ အသက်ကို အဓိက ခြိမ်းခြောက်လေ့ရှိသည့် ရင်သားကင်ဆာရောဂါ ဖြစ်နိုင်ခြေကို ခရမ်းချဉ်သီးဖျော်ရည် ပုံမှန်မှီဝဲခြင်းဖြင့် သိသိသာသာ လျှော့ချနိုင်ကြောင်း ပညာရှင်များက ဆိုသည်။ ခရမ်းချဉ်သီးသည် အမျိုးသမီးများအတွက် အမှန်တကယ် အာနိသင် ထက်မြက်သည့် သက်စောင့်ဆေးဝါး တစ်မျိုးဟု သုတေသီများက ညွှန်းဆိုလိုက်သည်။ အမျိုးသမီးများ၏ အသက်ကို အဓိက ခြိမ်းခြောက်လေ့ရှိသည့် ရင်သားကင်ဆာရောဂါ ဖြစ်နိုင်ခြေကို ခရမ်းချဉ်သီးဖျော်ရည် ပုံမှန်မှီဝဲခြင်းဖြင့် သိသိသာသာ လျှော့ချနိုင်ကြောင်း ပညာရှင်များက ဆိုသည်။ သုတေသီများသည် အသက်(၅၅)နှစ်အထက် အမျိုးသမီးကြီး (၇၀)တို့၏ ဟော်မုန်းဓာတ် အခြေအနေကို တိုင်းတာကာ စမ်းသပ်မှုများ ပြုလုပ်လာခဲ့ခြင်း ဖြစ်သည်။

ခရမ်းချဉ်သီး ဖျော်ရည်ကို တစ်နေ့လျှင် တစ်ခွက်နှုန်းမျှ ပုံမှန် သောက်သုံးပေးခြင်းသည် ရင်သားကင်ဆာ ကင်းဝေးစေမည့် အကောင်းဆုံး ကြိုတင်ကာကွယ်နည်းတစ်ခုဟု သိရှိရသည်။ အမေရိကန်မှ သုတေသီများက "ခရမ်းချဉ်သီး ဖျော်ရည်ချည်းပဲ သောက်ရမယ်လို့ မဆိုလိုပါဘူး။ ခရမ်းချဉ်သီးကို ပုံစံအမျိုးမျိုးနဲ့ စားသုံးတာ၊ ခရမ်းချဉ်သီး ပါဝင်တဲ့ တခြား အစားအသောက်တွေ စားသုံးတာကလည်း တူညီတဲ့ အကျိုးသက်ရောက်မှုမျိုး ရှိပါတယ်။ ရင်သားကင်ဆာနဲ့ ပတ်သက်ပြီး ခရမ်းချဉ်သီးရဲ့ အကျိုးအာနိသင်တွေကတော့ ရှင်းလင်းခိုင်မာလွန်းတဲ့ တွေ့ရှိချက်တွေလို့ ဆိုနိုင်ပါတယ်"ဟု ထောက်ခံ ပြောဆိုခဲ့သည်။ ပုံမှန်အားဖြင့် တစ်နေ့လျှင် တစ်ခွက်မျှ သောက်သုံးပေးခြင်းဖြင့် ဖူလုံသော Lycopene ပမာဏကို ရရှိစေမည် ဖြစ်သည်။ ယင်းသည် ရင်သားကင်ဆာ ဖြစ်နိုင်ခြေကို လျှော့ချပေးသည့် ဟိုမုန်းဖွဲ့စည်းမှုတွင် အကျိုးဖြစ်ထွန်းသည့် ဓာတ်တစ်မျိုး ဖြစ်သည်။ Lycopeneသည် ခရမ်းချဉ်သီးတွင် ပေါကြွယ်ဝစွာ ပါဝင်လေ့ရှိသည်။ ယခင်သုတေသန ရလဒ်များက ယင်းဓာတ်ပစ္စည်းသည် အမျိုးသားများတွင် ဆီးကြိတ်ကင်ဆာ မဖြစ်နိုင်အောင် ကာကွယ်ပေးကြောင်းလည်း ညွှန်ပြနေခဲ့သည်။ နယူးဂျာစီရှိ ရတ်ဂျာစ် တက္ကသိုလ်မှ ပညာရှင်များက အမျိုးသမီးကြီး (၇၀)တို့၏ ဟိုမုန်းများကို တိုင်းတာခဲ့သည်။ စမ်းသပ်မှုတွင် ပါဝင်သူ အားလုံးသည် ကိုယ်အလေးချိန် လွန်ကဲသူများ၊ သို့မဟုတ် ရင်သားကင်ဆာ ဝေဒနာရှင်များနှင့် ဆွေမျိုးတော်စပ်သူများဖြစ်ကြသည်။ ယင်းအခြေအနေများသည် ကင်ဆာဖြစ်နိုင်ခြေကို မြင့်မားစေသည်။ Lycopene ကြွယ်ဝသော ခရမ်းချဉ်သီး ဖျော်ရည်များကို ပုံမှန်သောက်သုံးသည့်အခါ Adiponectin ဟော်မုန်း ပိုမိုဖွံ့ဖြိုးလာသည်ကို တွေ့ရသည်။ ယင်းဟော်မုန်းသည် ပိန်သွယ်သော အမျိုးသမီးများတွင် ပိုမိုများပြားပြီး ရင်သားကင်ဆာ ဖြစ်နိုင်ခြေကို ဟန့်တားနိုင်သည့် သဘာဝရှိသည်။ နေ့စဉ်ပုံမှန် ခရမ်းချဉ်သီးဖျော်ရည် သောက်သည့်အခါ (၁၀)ပတ်အကြာတွင် စမ်းသပ်မှု၌ ပါဝင်သူ အားလုံး၏ Lycopene ပမာဏသည် ယခင်ထက် ပျမ်းမျှ(၉)ရာခိုင်နှုန်းဝန်းကျင် တိုးပွားလာသည်ကို တွေ့ရသည်။ သုတေသီ တစ်ဦးဖြစ်သူ အဒါနာလာနော့စ်က "ဒီတွေ့ရှိချက်ဟာ အဝလွန်မှုနဲ့ ရင်သားကင်ဆာ ကာကွယ်မှုတွေမှာ အရေးကြီးတဲ့ အဖြေတစ်ခု ဖြစ်နိုင်ပါတယ်။ အမျိုးသမီးတွေ အနေနဲ့ ခရမ်းချဉ်သီးနဲ့ ဆက်နွယ်တဲ့ အစားအသောက်တွေကို များများစားပေးတဲ့အခါ ကျန်းမာရေးအတွက် လျော်ကန်သင့်တင့်တဲ့ ကိုယ်အလေးချိန်မျိုး ထိန်းညှိထားနိုင်သလို ရင်သားကင်ဆာ ဖြစ်နိုင်ခြေကိုလည်း လျှော့ချပေးနိုင်တဲ့ ကောင်းကျိုးမျိုး ရရှိပါလိမ့်မယ်"ဟု ရှင်းလင်းပြောဆိုသွားသည်။ . Credit to Planet Myanmar Network

ပျော်ပျော်ရွှင်ရွှင် ရယ်မောသင့်တဲ့ အချက် (၅) ချက်

ရယ်မောခြင်းဟာ အကောင်းဆုံးဆေးဝါးတစ်မျိုး လို့ ပြောလို့ရပါတယ်။ ရယ်မောစရာကောင်းတဲ့ စာလေးတစ်စောင်ကို သင်လက်ခံရရှိတဲ့အခါ (သို့) သင့်ကို အသားကုန်ရယ်မောရတဲ့ စာအရေးအသားမျိုးကို ဖတ်လိုက်ရတဲ့အချိန်မှာ သင့်ရဲ့ စိုးရိမ်ပူပန်မှု (သို့) နေထိုင်မကောင်းမှုတွေကို ခဏမေ့သွားတယ် မဟုတ်လား။ ဒါ ရယ်မောခြင်းက သင့်အတွက် လုပ်ဆောင်ပေးတဲ့ အချက်တွေပေါ့။ နောက်အများကြီးရှိပါသေးတယ်။သင့်အတွက် အဓိပ္ပါယ်မရှိတဲ့ အကြောင်းအရာလို့ ထင်ကောင်းထင်မိပါလိမ့်မယ်။ ဒါပေမဲ့ ဒါက အရေးကြီးတယ်။

(၁) ရယ်မောခြင်းသည် အာရုံစူးစိုက်မှုဖြစ်စေပါတယ်။ အတိတ်ကဖြစ်ပျက်ခဲ့တဲ့ အကြောင်းအရာတွေကို ပြန်ပြောင်းစဉ်းစားကြည့်ဖို့ လိုအပ်ချက်တစ်ခုနဲ့ အရာရာကို ပြန်လည် ရှုမြင်သုံးသပ်ဖို့ အကြောင်းတစ်ခု ဖြစ်ချင်ဖြစ်နေမှာပါ။ စိတ်ဖိစီးမှုရှိနေတဲ့အချိန်တွေမှာ နားလည်ပေးတတ်တဲ့စိတ်ကို ရရှိစေနိုင်တဲ့အတွက် ရယ်မောပျော်ရွှင်တတ်အောင်နေထိုင်ခြင်းက အရေးကြီးပါတယ်။ တကယ်တော့ ရယ်ရွှင်စရာ ဟာသတွေက ဘဝမှာ အတွေးအမြင်သစ် တစ်ခုခုကိုလည်းပေးနိုင်ပါတယ်။ စိတ်ဆိုးရမယ့် အခြေအနေကြုံလာရတိုင်း ရယ်မောပေးနိုင်မယ်ဆိုရင် သင့်တစ်နေ့တာဟာ ပျော်ရွှင်မှုအဖြစ်သို့ ပြောင်းလဲသွားပါလိမ့်မယ်။
(၂) ရယ်မောခြင်းမှာ လှုမှုရေး အကျိုးသက်ရောက်မှုရှိနေပါတယ်။ ရယ်မောခြင်းက လူတွေကို အတူတကွ စုရုံးစေပြီး တစ်ယောက်နဲ့တစ်ယောက် ချိတ်ဆက်မှုရစေတယ်။ တခြားဘာနဲ့မှ ကြိုးစားလုပ်ဆောင်လို့မရတဲ့ လူတွေနဲ့ ဆက်နွယ်မှု တိုးပွားစေတယ်။ တစ်ယောက်ယောက်နဲ့အတူ ရယ်မောနေတဲ့အချိန်မှာ ဘယ်လိုခံစားရလဲ စဉ်းစားကြည့်ပါ။ ရင်းနှီးမှုရှိတယ်၊ နေရထိုင်ရတာ အဆင်ပြေမှုရှိတယ်လို့ ခံစားရတယ်။ မသိတဲ့ သူတစ်ယောက်နဲ့ဆိုရင်တောင် ချစ်ခင်ရင်းနှီးမှု တစ်ခုကိုတော့ အမှန်တကယ် ခံစားရတယ်။ ဒါ့ကြောင့် ရယ်မောပျော်ရွှင်ခြင်းဟာ လူတွေနဲ့ ပေါင်းသင်းဆက်ဆံဖို့ ကောင်းမွန်တဲ့နည်းလမ်းတစ်ခုဖြစ်ပါတယ်။
(၃) ရယ်မောခြင်းသည် သင့်ခုခံအားစနစ်ကို မြင့်တင်ပေးပါတယ်။ Alternative Therapies in Health and Medicine က လေ့လာချက်အရ ရယ်မောခြင်းက စိတ်ဖိစီးမှုလျော့ချခြင်းနဲ့ခန္တာကိုယ်အတွင်း ကင်ဆာ သတ်ပေးတဲ့ ဆဲလ်အရေအတွက် တိုးပွားစေခြင်းဖြင့် ခုခံစနစ်ကို ပြောင်းလဲမြင့်တင်ပေးပါတယ်။
(၄) နှလုံးကို ကာကွယ်စောင့်ရှောက်ပေးပါတယ်။ ယုံချင်ယုံ မယုံချင်နေ - အထူးသဖြင့် အူလှိုက်သဲလှိုက် ရယ်မောခြင်းဟာ ဆေးစွမ်းကောင်းတစ်မျိုးဖြစ်ပါတယ်။ ရယ်မောခြင်းဟာ သွေးလည်ပတ်မှုကို တိုးတက်ကောင်းမွန်စေတာကြောင့် သွေးတိုးခြင်းနဲ့ နှလုံးကို ကာကွယ်စောင့်ရှောက်ပေးပါတယ်။
(၅) စိတ်ဖိစီးမှုကို လျော့ချပေးပါတယ်။ နံရိုးချောင်းတွေ နာနေလောက်အောင်၊ ကြမ်းပင်ပေါ်လူးလိမ့်ရလောက်အောင် ရယ်မောခဲ့တဲ့ဖူးတဲ့ အချိန်နဲ့ နောက်ပိုင်း စိတ်ခံစားချက်တွေ ဘယ်လိုရှိခဲ့သလဲဆိုတာ ပြန်တွေးကြည့်ပါ။ ပိုပြီးပျော်သွားသလား၊ ပိုပြီး ငြိမ်ကျသွားသလား။ ဝမ်းခေါင်းထိအောင်ရယ်မောခြင်းဟာ စိတ်ဖိစီးမှုကို ပျောက်ကင်းစေတဲ့ အဓိက အချက်တစ်ခုဖြစ်ပြီး စိတ်ခံစားမှုပျော်ရွှင်မှုရအောင် လုပ်ဆောင်ပေးတဲ့ Chemicals ဓာတ်လှုံ့ဆော်ပေးမှုကြောင့်ဖြစ်ပါတယ်။ သင်ပျော်ရွှင်မှု ရရှိခံစားလေလေ၊ စိတ်ဖိစီးမှုနဲ့ ကင်းလွတ်လေလေပါ။
ဖိုးသူတော်(www.phothutaw.com) Credit : Trend